15+ Na Magaling na Live Online Webinar Software para sa 2018 (Libre + Bayad)

Tagalog (Wikang Tagalog) translation by Anna Nelson (you can also view the original English article)

Ang Webinars ay maaaring magaling na paraan para makakuha ng interes o atensyon sa iyong produkto o serbisyo. Maaari din itong gamitin sa training, group meetings, at pagpapakilala ng produkto. Subalit ang paghahanap ng tamang webinar software ay maaaring maging isang hamon.

Sa tamang webinar tools, maaari mong isali ang iyong audience at gumawa ng makabuluhang kaugnayan sa mga kalahok sa webinar. Kung kaya mahalaga na pumili ng mabuti.

Sa artikulong ito, ibibigay ko ang buod ng mahigit sa 15 na magaling na libre at premium online webinar software. Tatalakayin ko din ang ibang features na hinahangad mo na makita sa iyong pagpipilian ng webinar software. Malalaman mo din ang ilang tungkol sa kung ano ang magaling na webinar at dadalhin ko kayo sa karagdagang resources para makatulong na mas matutunan pa ang tungkol sa webinars.

Paano Maghanap ng Tamang Webinar Tools Para Sa Iyo

Maging ikaw ay negosyante, isang organisasyon, start-up, o indibiduwal — nais mong makahap ng tamang webinar software para sa iyong mga pangangailangan. Gayunpaman, ang kailangan sa webinar ay depende sa kung bakit ka nagpaplano ng webinar. Sa bahaging I ay nakalista ang ilan sa mga karaniwang feautures na hinahanap ng mga negosyo at ng iba pang tao kapag pipili ng webinar software. Ang sarili mong pangangailangan ay maaaring iba.

Narito ang ilang features at kakayahan na maaaring nais mo sa iyong webinar tool:

Seguridad. Depende sa layunin ng iyong webinar tool, maaaring gusto mong limitahan ang access sa iyong webinar. Nais mo din na panatilihing pribado ang listahan ng mga kalahok at gayon din ang impormasyon sa kanilang kontak. Kung gusto mong magpabayad para sa iyong webinar, gusto mong panatilihin ang seguridad ng impormasyon sa bayad ng kalahok.
Bilang ng mga kalahok. Marami sa webinar platforms ay tinutukoy ang bahagyang pagpe-presyo ayon sa bilang ng kalahok sa webinar. May kabuluhan ito dahil marami sa mga kalahok ay kailangan ng maraming resources. Gusto mong pumili ng webinar platform na maaaring angkop sa parehong nakaplanong bilang ng mga kalahok at ang iyong budget.
Audience engagement. Ang kaibahan sa pagitan ng magaling na webinar at walang buhay na webinar ay madalas sa antas ng audience engagement. Ang magaling na webinar software ay nagtataglay ng tools para makatulong sa iyo na makipag-ugnayan sa iyong audience katulad ng kakayahang magamit ang chat, polls at questionnaires, at Q&A sessions habang nagwi-webinar.
Screen sharing. Ang kakayahan na ipakita sa iyong mga kalahok kung ano ang iyong nasa screen ay maaaring mahalaga sa training sa webinars. Ang feature na ito ay mahalaga kung gagamitin mo ang webinar sa market software o online tools. Isiping mabuti kung kailangan mo ang feature na ito sa iyong webinar software tool.
Record. Maraming webinar hosts ang gusto ang kakayan na ma-record ang webinar. Makakatulong ito kung gusto mong tingnan uli ang webinar. Maaaring gusto mo ding ibahagi uli ang webinar recording sa iyong website o online. Ang ilang webinar tools ay awtomatikong nagri-record ng webinars.
Analytics. Ang kakayahan na sukatin at ma-track ang data na may kaugnayan sa webinar ay mahalaga. Subalit mag-ingat sa pagpili ng webinar platform na nag-aalok ng feature na ito. Siguraduhin na taglay ng analytics na ito ang measure na kailangan mong i-measure nila.
Technical Support. Sa pagpili ng kahit na anong online o software tool mahalaga na isaalang-alang ang pagkakaroon ng technical support. Ang technical support ay mahalaga kapag may bagay na pumalpak o pumalya o kung mayroon ka lang na tanong habang nagsi-set up ka ng iyong webinar.

Ang mga ito ay ilan lamang sa features na maaari mong isaalang-alang kapag gagawa ka ng paghahambing ng webinar software. Ngayon na natalakay na natin kung ano ang dapat hanapin sa webinar tool, tingnan natin ano ang magaling na webinar.

Ano Ang Magaling na Webinar?

Kung ikaw ay nagpaplano ng webinar, gusto mong siguraduhin na ang iyong webinar ay matagumpay. Sa totoo lang, gusto mong magaling ang iyong webinar.

Narito ang apat na bagay na iyong kailangan para magkaroon ng magandang karanasan sa webinar:

Tumuon sa iyong audience. Una sa lahat, siguraduhin na iyong naiintindihan kung sino ang sinusubukan mong kausapin sa iyong webinar. Alamin kung ano ang dati na nilang alam at kung ano pa ang dapat nilang alamin at ialok ito sa kanila sa nakakahikayat na paraan.
Ipaabot ang top-notch na nilalaman. Siguraduhin na ibibigay ng iyong webinar ang mga kasalukuyang impormasyon na mahalaga at may kaugnayan sa iyong audience. Gawin ang kinakailangang pagsasaliksik para mabigyan sila ng impormasyon na talagang magagamit nila.
Planuhin at i-ensayo. Kung ang iyong webinar ay magiging live, planuhin ito sa oras kung saan alam mo na karamihan sa iyong nilalayong audience ay nariyan. Kapag na set-up mo na ang oras at nagawa mo na ang nilalaman ng live webinar, siguraduhin na sanayin ang pagsusuri nito.
Promote. Ngayon na iyo ng naplano ang webinar, kailangan mo itong ipromote. Magpadala ng registration invites sa pamamagitan ng email, social media, at iba pang tools.Mahalaga din ito para magpadala ng paalala nang bahagya bago ang webinar para sa mga naka-register na dumalo.

Nais mo bang mas matutunan pa ang tungkol sa pagkakaroon ng magandang karanasan sa webinar? Narito ang ilang pagtuturo na makakatulong:

Magsimula sa Magaling na Slideshow

Sa maraming pagkakataon, nais mong ilagay ang slideshow sa iyong webinar. Katulad ng live presentation, ang magaling na slideshow ay epektibong nakakapag-hatid ng impormasyon habang nagwi-webinar.

Para makagawa ng nakakatawag-pansing slideshow, nais mong gamitin ang propesyonal na dinisenyo na slideshow template. Ang pinakamagandang para gawin ito ay pumili ng top-notch provider na nagbibigay ng subok ng presentation templates katulad ng Envato Elements.

Makikita mo ang mahigit 2,000 slideshow templates sa Envato Elements.

Para sa mababang buwanang gastos, maaari kang pumili sa pagitan ng libu-libong iba’t ibang nakakatawag-pansing slideshow templates. Sa Envato Elements, ida-download mo ang maraming templates depende sa iyong kailangan nang maraming beses hanggat iyong kailangan. Magkakaroon ka din ng access sa iba pang digital assets katulad ng propesyonal na dinesenyo na WordPress themes, video tutorials, at marami pang iba.

Kung ang gusto mo lang ay isang propesyonal na dinesenyo na slideshow template, GraphicRiver ay magaling na pagpipilian. Tingnan sa maraming nakakatawag-pansing templates at i-download ang gusto mo para sa makatwirang one-time fee.

Live Online Webinar Software Tools

Narito ang buod ng ilan sa magaling na webinar softare tools na mayroon kami na maaari mong tingnan. Ibinalangkas ko ang ilan sa pinakamagaling na features para sa bawat webinar tool dito, subalit karamihan sa mga tools na ito ay naglalaman din ng karagdagang features.

1. Google+ Hangouts

Pagdating sa libreng webinar software, Google Hangouts ay isa sa pinakamagaling na pagpipilian kung limitado ang iyong budget. Classic Google Hangouts ay mayroon pa din at maaaring matugunan ang karamihan sa iyong kailangan sa webinar. Ang kailangan mo lang ay Google Account, na nakuha mo na kung mayroon kang Gmail account. Classic Google Hangouts ay kayang pagsabayin ang hanggang 25 katao. Gumagana ito sa maraming platforms. Maaaring mong i-manage kung sino ang naga-access sa iyong hangout sa pamamagitan ng iyong kalendaryo o sa pag kontrol ng iyong inimbita.

(Para sa G Suite customers, gayunpaman, ang Google Hangouts ay kamakailan lang hinati sa Google Hangouts Chat at Hangouts Meet.)

Para mas malaman ang tungkol sa Google Hangouts, isangguni sa aming pagtuturo:

Video Conferencing

Gumawa at Mag-Host ng Webinar nang Libre Gamit ang Google+ Hangouts

Stef Gonzaga

2. Facebook Live

Isa pang pagpipilian na libreng webinar software ay ang Facebook live. Halos lahat ay may Facebook account sa panahon ngayon, kung kaya may kabuluhan ang paggamit ng Facebook Live. Habang ikaw ay nagbo-broadcast, makikita ng iyong Facebook followers at friends ang iyong live video. Kapag tapos ka na mag broadcast, ang video ay mailalathala sa iyong Facebook page o profile — na ibig sabihin ay maaari mong ituloy na maipahatid ang iyong mensahe kahit na tapos na ang webinar. Kung kailangan, maaari mong matukoy kung sino ang nakakakita ng iyong webinar video sa pamamagitan ng paglathala nito bilang sekretong video (na ibig sabihin ay ang mga taong may webinar URL lang ang makaka-access nito).

3. YouTube Live

Hindi mo maiisip na ito ay libreng webinar service, subalit ang YouTube live ay maaaring gamitin sa host webinars. Una sa lahat, ang Google Hangouts ay maaaring ma-integrate sa YouTube, kaya maaari mong palawakin ang iyong Google Hangouts audience sa pamamagitan ng pag stream nito sa YouTube. Sa totoo lang, ang ibang premium webinar tools ay gumagamit ng YouTube sa background. Kapag tapos ka na mag-stream ng iyong video, maaari mo itong ilathala. Sa ibang tools na makakatulong sa iyo na makagawa ng mas magandang YouTube webinar, tingnan uli ang mga sumusunod na pagtuturo:

Video

10 Nangungunang Mga Produkto Para Sa Mga Gumagawa ng YouTube Live Video

Andrew Childress

4. Skype Group Calls

Ang iyong kumpanya o organisasyon ay maaaring gumagamit na ng Skype para sa IMs o tawag sa telepono, kung kaya ang paggamit nito para sa webinars ay may kabuluhan. Sa Skype group call, maaari mong isali ang hanggang 25 katao sa iyong webinar. Hanggang siyam na katao ang maaaring lumahok sa group video call. Sa Skype Meeting Broadcast na feauture (bahagi ng Skype para sa negosya) maaari mong i-broadcast ang iyong webinar sa hanggang sa 10,000 katao nang sabay-sabay. Isa pang swabeng Skype feauture na maaaring mapakinabangan ay screen sharing. Maaari mong ipakita sa kalahok sa webinar kung ano eksakto ang iyong ginagawa.

5. Cisco Webex

Ang Cisco Webex ay isa sa mas sikat na online meeting at event hosting tools. Sa Webex magkakaroon ka ng partikular na tools na eksakto sa kung anong gusto mong gawin. Pumilli sa pagitan ng hosting events sa hanggang sa 3,000 katao, meetings ng hanggang 40,000 katao, o training (kasama ang testing at grading) hanggang 1,000. Maaari mong ipakita ang iyong screen sa mga kalahok. I-kontrol kung sino ang nakaka-access ng webinar sa pamamagitan ng pag set-up ng personal meeting room. May kasama ding technical support ang Webex webinar tool.

6. Blackboard Collaborate

Kung kamakailan ay kumuha ka ng klase, maaaring pamilyar ka na sa Blackboard bilang training tool. Subalit ang hindi alam ng karamihang tao ay ang Blackboard ay may solusyon para sa mga negosyo kasama ang web conferencing software. Kung ang layunin ng iyong webinar ay training, ito ang mahusay na pagpipilian. Magagawa mong i-manage ang webinar registration, gumawa ng training plan, mag-integrate ng video, at marami pang iba.

7. GoToWebinar

Ang GoToWebinar ay kilala sa kanilang online meeting software. Ang kanilang online software tool ay kasing maaasahan katulad ng kung gaano kasikat ito. May tatlong antas ang tool na ito, ayon sa bilang ng kalahok sa webinar. Kung kailangan mong mapanatili ang maraming impormasyon tungkol sa iyong webinar, ito ay magandang tool dahil lahat ng antas ay may kasamang reports at analytics. Ang webinar tool ay may ilang kasamang features katulad ng kakayahang makagawa ng pools, kabilang ang handouts, at mayroong Q&A session. At, nire-record ang iyong webinar locally o online.

8. Livestream

Ang Livestream ay eksakto ng tunog niya: isang livestreaming tool. Subalit mahalaga ito na webinar software dahil ito ay may kakayahan na gumawa ng real-time moderated chat. Mahalaga din ito kung gusto mong i-stream sa Facebook Live o YouTube. At may kasama din itong analytics. Isa sa maganda tungkol dito sa webinar software ay may kasama itong training at support.

9. WebinarJam

Isa pa sa mga sikat na webinar platforms ay ang WebinarJam. Sa webinar tool na ito na madaling gamitin ay mako-kontrol mo kung sino ang lalahok sa iyong webinar na may password-protected webinar rooms. Palakasin ang iyong audience engagement gamit ang interactive tools katulad ng polls at chat. At awtomatikong nire-record ng WebinarJam ang iyong webinar. At maaari kang makakuha ng webinar analytics katulad ng sales tracking, na magiging magaling na tool para sa marketing webinars. Bilang premium webinar tool, mayroon din itong support.

10. EverWebinar

Kung naghahanap ka ng automated webinar software, maaaring ang EverWebinar (mula sa gumawa ng WebinarJam) ang iyong kailangan. Ang automated webinars na iyong sinet-up sa EverWebinar ay magmumukhang live webinars. Ang Autoresponders ay kakabit din sa webinar na ito. O kaya, maaari kang gumawa ng automated webinar na may live chat moderator. Ang tool na ito ay may kasamang analytics at tracking. At mayroon ding support na makakatulong sa pag set-up ng iyong automated webinar nang walang problema.

11. Zoom

Ang Zoom ay magandang webinar tool kung nagba-budget ka, lalo na kung ang webinars na kailangan mong i-host ay medyo maiksi. Sa unang antas nito ang Zoom webinar software ay libre. Sa unang antas maaari kang mag-host ng hanggang 100 na kalahok at magdaos ng 40 na minutong group meeting. Sa mas mahabang meetings o mas maraming kalahok, maraming premium plans ang nariyan. Ang Zoom video conferencing features ay may kasamang magkakasabay na screen share at maaari kang mag set-up ng breakout rooms. Mayroong online support, kahit na libre.

12. ClickMeeting

Ang ClickMeeting webinar tool ay mayroong iba’t ibang plans batay sa bilang ng mga kalahok na iyong inaasahan, hanggang 5000 kalahok. Sa tool na ito ay makakagawa ka ng polls at survey, may chat features, puwede ang screen sharing. Dito ay mata-track mo din ang webinar statistics. Isa pang magandang feature ay desktop sharing. At maaari mong ring i-record ang iyong webinar.

13. Demio

Kung susuriin mo uli ang webinar platforms, maaaring gusto mong tingnan ang Demio. Ang software na ito ay mayroong iba’t ibang plans batay sa mga kalahok ng webinar. Pumili ng plan simula sa 100 na kalahok hanggang 1000 na kalahok (at posibleng higit pa). Maaari mong ipakita ang iyong screen, gumawa ng polls at surveys, at marami pang iba. Ang tool na ito ay awtomatikong nagri-record ng iyong webinars. Kasama din ang Analytics. Nariyan din ang 24/7 technical support, kahit sa pinaka-mababang antas.

14. Livestorm

Isa pang magandang webinar software tools ay ang Livestorm. Ang webinar software na ito ay nakaka-accommodate kahit saan mula sa 89 hanggang 500 kalahok, batay sa plan na iyong pinili. May kasama din itong maraming oportunidad para sa audience engagement kabilang ang chat, pools, at Q&a. Sinu-support din nito ang screensharing. Limitahan ang maaaring mag-access ng iyong webinar sa pamamagitan ng pagset-up nito bilang pribado. Kabilang din dito ang Webinar analytics.

15. MegaMeeting

MegaMeeting v.4 webinar software ay kasalukuyang nasa beta, subalit may ilan itong magandang features kung kaya nararapat ito na ilagay sa ating listahan. Kabilang dito ang screen sharing, chat, at recording. Mayroon din itong secure connections na may end-to-end encryption at iba pang security features.

16. WebinarNinja

Ang WebinarNinja ay mayroong plan sa kahit na saan mula 100 hanggang 1000 na kalahok. Maaari ka ring gumawa ng automated webinars sa kahit na anong plan para sa walang limit na bilang ng kalahok. Ang auto recording ay kasama din sa lahat ng webinar software packages at hindi mawawala ang kakayahan na ipakita ang screens at isama ang iba pang interactive features katulad ng polls at Q&A. Lahat ng plans ay may kasamang technical support.

Konklusyon

At ngayon ay mas marami ka ng natuklasan sa webinar software tools. Natuklasan na natin anong features ang nais mo sa webinar tool at gayon din kung paano gumawa ng magaling na webinar. Nalaman mo na rin ang tungkol sa mahigit sa 15 na iba’t ibang webinar tools, kabilang ang ilang libreng webinar software. Handa ka ng gumawa ng paghahambing ng webinar software at oras na para magpatuloy at magsimulang magplano ng iyong webinar. Good luck!